Apple Watch එකේ අන්තර්ගත වන heart monitoring තාක්ෂණය සම්බන්ධයෙන් Apple සමාගමට නඩු පැවරෙයි
මේ වන විට ලොව තිබෙන ජනප්‍රියතම smart watch එක Apple Watch එක වන බව අමුතුවෙන් කිව යුතු නැහැ.
කොහොම නමුත් මේ Apple Watch එකේ අන්තර්ගත වන heart monitoring තාක්ෂණය සම්බන්ධයෙන් Apple සමාගමට විරුද්ධව නඩු පැවරීමට හෘද රෝග විශේෂඥයෙකු වන Dr. Joseph Wiesel කටයුතු කර ඇති අතර මීට හේතුව වශයෙන් ඔහු පෙන්වා දෙන්නේ ඔහු සිදු කරනු ලැබූ research වල ප්‍රතිඵලයක් ලෙස ලබාගෙන ඇති patent බළපත්‍ර මේ හරහා උල්ලංඝනය වන බවයි.
ඔහු 1999 වර්ෂයේ සිට සිදු කළ පරීක්ෂණ වල ප්‍රතිඵල ලෙස මේ වන විට මෙහි අන්තර්ගත වන තාක්ෂණයන්ට අදාලව patent බළපත්‍ර 5ක් ඔහු සතුව ඇති බවත් 2017 වර්ෂයේ සැප්තැම්බර් මස සිට මේ පිළිබඳව විවිධ ආකාරයෙන් Apple සමාගම දැනුවත් කිරීමට ඔහු කටයුතු කළ නමුත් එයට කිසිඳු ප්‍රතිචාරයක් නොදැක්වීම හේතුවෙන් මෙම තීරණය ගැනීමට සිදු වූ බවත් ඔහු වැඩිදුරටත් පෙන්වා දෙනවා.
මේ අනුව Apple Watch එක විසින් හෘද ස්පන්දනයේ යම්කිසි අස්වාභාවික තත්ත්වයක් ඇත්දැයි හඳුනාගැනීමට භාවිතා කරන atrial fibrillation detection method එක ඔහුගේ invention එකක් වන බවත්, එම තාක්ෂණය ඔවුන්ගේ devices වල භාවිතා කිරීම වෙනුවෙන් කිසිඳු ගෙවීමක් තමාට සිදු කර නොමැති බවත් ඔහු පෙන්වා දෙනවා.
TechNews.LK - Tech News සිංහලෙන්
Apple සමාගමට බොහෝ විට මෙවැනි patent බළපත්‍ර පිළිබඳව නඩු වලට මුහුණදීමට සිදු වන අතර මීට පෙර ද Qualcomm සමාගම සමඟින් පැවති නඩු ගණනාවක් පසුගිය වසර කිහිපය පුරාවට ගලාගෙන ගිය බව ඔබට මතක ඇති.
මේ ගැන වැඩිදුර විස්තර දැනගැනීම සඳහා Bloomberg වෙබ් අඩවිය, Fox Business වෙබ් අඩවිය හා Engadget වෙබ් අඩවිය භාවිතා කළ හැක.
from RSSMix.com Mix ID 8321273 https://ift.tt/2Q9fNxN
Comments
Post a Comment