Chat share sheet එකෙන් ඉවත් කර තිබූ Camera shortcut එක නැවත එකතු කිරීමට WhatsApp ආයතනය කටයුතු කරයි

මීට සති කිහිපයකට පෙර WhatsApp app එකෙහි Chat share sheet එකෙන් Camera shortcut එක ඉවත් කර තිබුණු අතර, ඊට හේතුව වූයේ මේ Camera shortcut එක වෙනුවට අලුතින් එකතු කළ Facebook Messenger Rooms shortcut එක ඇතුලත් කිරීමයි.

Messenger Rooms පහසුකම ඇතුළත් කිරීම හේතුවෙන් පෙර තිබූ camera shortcut එක ඉවත් කර තිබෙන අයුරු.‌‌

කෙසේ වුවත් මෙම වෙනසට WhatsAppපරිශීලකයන් වැඩි කැමැත්තක් දැක්වූයේ නැති බව දැකගත හැකි වූ අතර ඊට හේතුව chat rooms පහසුකමට වඩා camera shortcut එක පරිශීලකයින් හට හුරු පුරුදු option එකක් වූ බැවිණි.

📝 WhatsApp beta for Android 2.20.198.9: what's new?

WhatsApp introduces new icons for the chat share sheet for beta testers, and the camera action is back!https://t.co/Qv79oHisR3

— WABetaInfo (@WABetaInfo) August 21, 2020

මීට පිළියමක් ලෙස WhatsApp වල නවතම beta සංස්කරණයෙන් (2.20.198.9) එම camera shortcut එක නැවත ඇතුළත් කිරීමට කරයුතු කර ඇති අතර මීට අමතරව මෙම update එකෙන් ඔවුන් chat share sheet එකෙහි තිබූ පැරණි icons වලට ද නව පෙනුමක් ලබා දී තිබෙනවා.

මෙහි messenger rooms පහසුකම තවමත් තිබෙන අතර පෙර පැවති Camera, Document, Gallery, Audio, Location සහ Contact යන shortcuts ද එලෙසම පවතිනවා. එම නිසා මෙම chat share sheet එකෙහි ප්‍රමාණය තරමක් විශාල වී ඇති අයුරු දැකගත හැකි වෙනවා.

මේ වන විට මෙම beta සංස්කරණය Google Play Store එක හරහා නිකුත් කරමින් පවතින අතර ඔබ beta පරිශීලකයෙකු නොවන්නේ නම් මේ link එක හරහා beta testing program එකට එකතු විය හැක.

මේ පිළිබඳව වැඩිදුර විස්තර දැනගැනීම සඳහා 9to5google වෙබ් අඩවිය සහ WABetaInfo වෙබ් අඩවිය භාවිතා කළ හැක.

from RSSMix.com Mix ID 8321273 https://ift.tt/3aMDqor