SLunicodes භාවිතයෙන් පහසුවෙන් සිංහල ටයිප් කරමු

අපගේ මව් භාෂාව වූවත් වැඩි පිරිසකට සිංහල යතුරු ලියනය එහෙමත් නැත්තම් Sinhala type setting තරමක අපහසු රාජකාරියක්. මේ සඳහා වැඩි වශයෙන්ම බලපාන දෙයක් වන්නේ අපිට අවශ්‍ය කරන හුරුව නොමැති වීමයි. ඒවගේම මේ සඳහාම සැකසුනු පරිශීලකයාට පහසු මෘදුකාංග අල්ප වීමත් තව හේතුවක්. මේ ලිපිය මගින් දිගහැරෙන්නේ අපේ කෙටි පනිවිඩ (SMS) යැවීමට ඇති හුරුව භාවිතයට ගනිමින් සිංහල ටයිප් කරගත හැකි ආකාරයක් හදුන්වා දුන් SLunicodes පිළිබද දැනුවත් කිරීමයි.

අපි ඕනෑම අයෙකුට සින්ග්ලිශ් වලින් ඕන තරමක් කෙටි පනිවිඩ යවන්න හැකියි. අපි මේ සඳහා ජංගම දුරකථනයට වෙනත් යෙදවුම් (Apps) භාවිතා කරනවා. නමුත් සාමාන්‍ය පරිගණකයකින් මේ කාර්යය කරගැනීමට හැකි උපාංග බොහෝ සීමිතයි. මේ කියන්න සැරසෙන්නේ කිසිම මෘදුකාංගයක් භාවිතා නොකර online සිංහල ටයිප් කරගන්න පුලුවන් වෙබ් පිටුවක් ගැනයි. පහත පියවර අනුගමනය කිරීම මගින් ඔබට මේ සේවාව පහසුවෙන් සහ නොමිලේ ලබාගත හැකියි.

පියවර 1: SLunicodes වෙබ් අඩවියට වෙතට පිවිසෙන්න.

පියවර 2: උඩින්ම ඇති කොටුව තුල SMS එකක් ටයිප් කරන ආකරයට ටයිප් කරන්න.

ඔබට යම් කිසි අකුරක් හෝ වචනය ටයිප් කරන ආකාරය දැනගැනීමට අවශ්‍ය නම් දකුණුපස ඇති Key Typing Hints වල උපකාරය ලබාගන්නත් පුලුවන්.

පියවර 3: දෙවන සහ තුන්වෙනි කොටු වලින් පරිවර්තිත සිංහල වාක්‍ය පෙළ ලබාගන්න. ඔබ මේ වාක්‍ය පෙළ පාවිච්චි කරන්නේ වෙබ් පිටුවක ලිපියක් පල කිරීමට වැනි දෙයකට නම්, ඔබ ලබා ගත යුතු වෙන්නේ දෙවන කොටුවෙන් නැත්තම් “Unicode” කොටසින් ඔබට ලැබෙන වාක්‍ය පෙළයි.

Adobe Photoshop හෝ Illustrator වැනි software සඳහා පාවිච්චි කරන්න නම් ලබාගතයුත්තේ තුන්වෙනි කොටුවෙන් ලැබෙන text රුවයි.

Unicode භාවිතයෙන් පහසුවෙන්ම සිංහල font

මෙම වෙබ් පිටුව ඔබට  Unicode Converter එකක් ආකරයටත් භාවිතයට ගැනීමට පුලුවන්. දැනටමත් ඔබ සතුව Unicode text  තිබේ නම් ඔබට එය සිංහල font ආකාරයට පරිවර්තනය කර ගැනීම්ට අවශ්‍ය නම් කල යුත්තේ ඉතාම පහසු ක්‍රියාවක්. පළමුව Unicode Text copy කර දෙවන කොටුවෙහි paste කරන්න. එවිට 3 වෙනි කොටුවෙන් පරිවර්තනය වූ සිංහල fonts ලබාගන්න පුලුවන්.

SLunicodes වෙබ් අඩවියේ ඇති විශේෂත්වය කුමක්ද?

• මෙය Sinhala Typing Tool එකක් ආකාරයටම මෙන්ම Unicode converter යන දෙයාකාරයෙන්ම භාවිතා කිරීමට හැක.
• සියළු පරිවර්තනයන් මේ අවස්ථාවේදීම සිදුවේ.
• Unicode සහ Sinhala Font යන වර්ග දෙකටම භාවිතා කිරීමට හැක.
• ඕනෑම ජංගම උපාංගයකින් භාවිතා කිරීමට හැකි වන පරිදි (mobile responsive) ආකරයට සකසා තිබේ.
• මෙම වෙබ් පිටුව තුලට ඇතුලත් වූ පසුව අන්තර්ජාල පහසුකම නොමැති උවත් කිසිම ගැටලුවක් නැතුව වැඩ කරගෙන යන්නට හැකිය.
• කාර්යය වඩා පහසු වීමට key words hints පාවිච්චි කරන්නත් හැකිය.
• කිසිම App එකක් හෝ software එකක් නොමැතිව වැඩ කටයුතු කල හැකිය.

මේ online tool එක සම්බන්ධව පැන නගින ඕනෑම ගැටලුවකට උපකාර කිරීමට SLunicodes මිතුරු එකතුව කටයුතු කරනවා. ඒ සදහා ඔබට කලයුත්තේ facebook හරහා පණිවුඩයක් එවීම පමනයි.

The post SLunicodes භාවිතයෙන් පහසුවෙන් සිංහල ටයිප් කරමු appeared first on TechWire.

from RSSMix.com Mix ID 8321273 https://ift.tt/2UFbgoh