Transparent OLED Panel මඟින් Sliding දොරවල් නිර්මාණය කිරීම කෙරෙහි LG සමාගමේ අවධානය යොමු වෙයි

LG සමාගම සතුව දැනටමත් ඉතා ඉහළ ගුණාත්මක භාවයකින් යුත් විනිවිද පෙනෙන OLED transparent screen තාක්ෂණය තිබෙන අතර, ඔවුන් විසින් එය මේ වන විට එකිනෙකට වෙනස් ක්ෂේත්‍ර වලට භාවිතා කිරීමට ඇති හැකියාව පිළිබඳව පරීක්ෂණ කරමින් සිටිනවා.

LG transparent OLED රූපවාහිනිය මෙහි සාර්ථක ප්‍රතිඵලයක් වන අතර, මීට අමතරව LG සමාගම විසින් මෙම transparent OLED dispay තාක්ෂණය auto sliding door සඳහා භාවිතා කිරීමට ඇති හැකියාව පිළිබඳව සොයාබලමින් සිටින බව දැනගන්නට ලැබෙනවා.

ව්‍යාපාරික ස්ථාන, බැංකු හා වෙනත් පෞද්ගලික ආයතන ආදිය සඳහා භාවිතා කිරීමට අරමුණු කරගෙන develop කරනු ලබන මෙම තාක්ෂණය නිසා, සාම්ප්‍රදායික දොරවල් යන සංකල්පය බැහැර වී, එකිනෙකට වෙනස් අරමුණු ඉටු කර ගැනීමට හැකියාව ලැබෙනවා.

ආරක්ෂක විධි-විධාන ක්‍රියාත්මක කිරීමට, වෙළඳ දැන්වීම් පෙන්වීමට, ගනුදෙනුකරුවන්ට ආචාර කිරීමට හෝ සේවකයින් සමඟ සන්නිවේදනය කිරීමට මෙම නව තාක්ෂණික sliding door ඔස්සේ හැකියාව ලැබෙන බව LG සමාගම පෙන්වා දෙනවා.

දැනට ලොව සාර්ථකම transparent OLED panel තාක්ෂණය තිබෙන්නෙ LG සමාගමට වන අතර Panasonic හා Xiaomi යන සමාගම් ද සිය රූපවාහිනී සඳහා මෙම LG සමාගමේ transparent OLED panel තාක්ෂණය භාවිතා කිරීමට කැමැත්ත පළ කර තිබෙනවා.

Display තාක්ෂණය අතින් බොහෝ ඉදිරියෙන් සිටින දකුණු කොරියානු තාක්ෂණික දැවැන්තයෙක් වන Samsung සමාගම මෙම transparent OLED තාක්ෂණය පිළිබඳව පර්යේෂණ සිදු කළ ද ඒවා 2016 වර්ෂයේදී අතහැර දමන ලද බව කොරියාවේ The Helald පුවත්පත පවසා තිබුණා.

මේ පිළිබඳව වැඩිදුර විස්තර දැනගැනීම සඳහා The Verge වෙබ් අඩවිය සහ SlashGear වෙබ් අඩවිය භාවිතා කළ හැක.

from RSSMix.com Mix ID 8321273 https://ift.tt/2IqLCkA