Google සමාගම විසින් Google Search engine එකේ desktop version එක සඳහා dark mode එකක් හඳුන්වාදීමට සූදානම් වෙයි

Google සමාගම විසින් පසුගිය වසර කිහිපය මුලුල්ලෙහිදීම ඔවුන්ගේ Android සහ iOS apps සියල්ලකටම පාහේ dark mode පහසුකම හඳුන්වාදීමට කටයුතු කළ අතර, මේ වන විට ඔවුන්ගේ ප්‍රධාන වෙබ් අඩවියට ද මේ පහසුකම එකතු කිරීමට කටයුතු කරමින් සිටිනවා.

මේ අනුව operating system එක හරහා system color mode එක dark mode එකට සකස් කළ විට, ප්‍රධාන Google වෙබ් අඩවියෙහි background එක තද අළු පැහැයකට හැරී dark mode එක enable වන බව Google සමාගම The Verge වෙබ් අඩවියට ප්‍රකාශ කර තිබෙනවා.

මේ වන විටත් ලොව පුරා පුද්ගලයින් ගණනාවක් මේ පිළිබඳව වාර්තා කර තිබුණත්, සෑම පුද්ගලයෙකු හටම මෙය ලබාදීමට Google සමාගම කටයුතු කර නොමැති අතර, මෙය තවමත් පරීක්ෂණ මට්ටමේ පවතින පහසුකමක් බව ඔවුන් වැඩිදුරටත් පෙන්වා දෙනවා.

දැනට මෙම පහසුකම ලබාදී ඇති පරිශීලකයින් හට ඒ පිළිබඳව notification එකක් හරහා දැනුම්දීමක් කරනු ලබන බව වාර්තා වන අතර, ‍වැඩිදුරටත් පරීක්ෂා කිරීමෙන් අනතුරුව මෙය ලොව පුරා සියළුම පරිශීලකයින් හට නිකුත් කිරීමට කටයුතු කරනු ඇති බව අනුමාන කළ හැකි වෙනවා.

මේ පිළිබඳව වැඩිදුර විස්තර දැනගැනීම සඳහා The Verge වෙබ් අඩවිය සහ XDA-Developers වෙබ් අඩවිය භාවිතා කළ හැක.

from RSSMix.com Mix ID 8321273 https://ift.tt/2Ng9QA7