Truth Social නමින් තමන්ගේම නව සමාජ ජාලයක් හඳුන්වාදීමට Donald Trump කටයුතු කරයි
![Truth Social නමින් තමන්ගේම නව සමාජ ජාලයක් හඳුන්වාදීමට Donald Trump කටයුතු කරයි](https://technews.lk/content/images/2021/10/donald-trump-launching-social-media-platform-truth-social-technews-lk.jpg)
ඉකුත් ජනවාරි මාසයේ 6 වැනි දින US Capitol Building එකට කඩා වැදුනු පිරිස්, දේශප්රේමීන් ලෙස සිය සමාජ මාධ්ය තුළ හැදින්වීම සහ යම් යම් ප්රඡන්ඩකාරී අදහස් සමාජ ගත කිරීම හේතුවෙන් හිටපු ඇමරිකානු ජනාධිපති Donald Trump ගේ Twitter ඇතුළු සමාජ මාධ්ය ගණනාවක් අත්හිටුවීමට එම ආයතන කටයුතු කරනු ලැබුවා.
![Truth Social නමින් තමන්ගේම නව සමාජ ජාලයක් හඳුන්වාදීමට Donald Trump කටයුතු කරයි](https://technews.lk/content/images/2021/01/twitter-facebook-and-instagram-ban-trump-for-24-hours-tech-nwes-sri-lanka.jpg)
කෙසේ වෙතත් පසුගිය මාසයේදී ඇමරිකාවේ Florida හිදී සිය Twitter ගිණුම නැවත ස්ථාපනය කරන ලෙස ඉල්ලමින් Twitter සමාගමට විරුද්ධව නඩුවක් ගොනු කිරීමට ඩොනල්ඩ් ට්රම්ප් මහතා කටයුතු කරනු ලැබුවා. මෙම චෝදනාව හරහා උක්ත තහනම සංශෝධනය කරන ලෙස ඉල්ලා සිටි අතර, මෙම තහනම නව Florida වල සමාජ මාධ්ය නීතිය උල්ලංඝනය කරන බවට එහිදී ඔහු වැඩි දුරටත් පවසා සිටියා.
![Truth Social නමින් තමන්ගේම නව සමාජ ජාලයක් හඳුන්වාදීමට Donald Trump කටයුතු කරයි](https://technews.lk/content/images/2021/10/trump-sues-to-reinstate-his-twitter-account-tech-news-sri-lanka.jpg)
කෙසේ වෙතත් ඔහු ලොව ප්රමුඛතම සමාජ මාධ්යජාලා වන Facebook, Twitter සේවාවන්ටද අභියෝග කරමින් TRUTH Social නමින් නව සමාජ මාධ්ය වේදිකාවක්, එහෙමත් නැතිනම් social media platform එකක් නිර්මාණය කිරීමට කටයුතු කර තිබෙනවා. හිටපු ඇමරිකානු ජනාධිපති Donald Trump, TRUTH Social පිළිබඳව නිවේදනයක් නිකුත් කරමින් කියා සිටියේ, ඔහුගේ අදහස් ඉක්මනින්ම හුවමාරු කර ගැනීමට සහ විශාල තාක්ෂණයට එරෙහිව සටන් කිරීමට ලැබීම ගැන සතුටු වන බවයි.
Donald Trump ඉකුත් බදාදා මාධ්ය නිවේදනයක් නිකුත් කරමින් කියා සිටියේ TRUTH Social සමාජ මාධ්ය වේදිකාවේ Beta සංස්කරණයක් ලබන නොවැම්බර් මාසයේ නිකුත් කිරීම සදහා ආරාධිත පරිශීලකයන් සදහා දැනටමත් TRUTH Social සමාජ මාධ්ය වේදිකාව විවෘතව ඇති බවයි.
— Donald Trump Jr. (@DonaldJTrumpJr) October 21, 2021
මෙම TRUTH Social සමාජ මාධ්ය ජාලයේ UI (User Interface) එක දැනට ලැබී ඇති තොරතුරු වලට අනුව බෙහෙවින් Twitter සමාජ මාධ්ය ජාලයේ User Interface එකට සමාන වන අතර TRUTH Social නිළ වෙබ් අඩවිය හරහා පරිශීලකයන් පෙර ලියාපදිංචී කරගැනීමේ ව්යාපාරයක්ද සිදුවනවා. තවද මෙම TRUTH Social App එක Apple iPhone පරිශීලකයින්ට Apple App Store හරහා Download කර ගැනීමේ හැකියාවද පවතිනවා.
![Truth Social නමින් තමන්ගේම නව සමාජ ජාලයක් හඳුන්වාදීමට Donald Trump කටයුතු කරයි](https://technews.lk/content/images/2021/10/donald-trump-launching-social-media-platform-truth-social-platform-technews-lk.jpg)
හිටපු ඇමරිකානු ජනාධිපති Donald Trump සිය සමාජ මාධ්ය තහනම පිළිබදව වැඩි දුරටත් නිවේදනයක් නිකුත් කරමින් පවසා සිටියේ, "අපි ජීවත් වන්නේ Twitter වෙබ් අඩවියේ තලේබාන් සංවිධානයට අයත් ත්රස්ථවාදීන් විශාල සංඛ්යාවක් සිටින ලෝකයකය, නමුත් ඔබේ ප්රියතම ඇමරිකානු ජනාධිපතිවරයාගේ සමාජ මාධ්ය ගිණුම තනනම් කර ඇත. මෙය පිළිගත නොහැකිය." යනුවෙනුයි.
![Truth Social නමින් තමන්ගේම නව සමාජ ජාලයක් හඳුන්වාදීමට Donald Trump කටයුතු කරයි](https://truthsocial.com/og-image.jpg)
මේ පිළිබඳව වැඩිදුර විස්තර දැනගැනීම සඳහා The Guardian වෙබ් අඩවිය සහ BBC වෙබ් අඩවිය භාවිතා කළ හැක.
from RSSMix.com Mix ID 8321273 https://ift.tt/3piODqi
Comments
Post a Comment