8D Audio Music සංගීත ලෝකයට සාදරයෙන් පිළිගනිමු

මේ වන විට අන්තර්ජාලය තුළ ජනප්‍රිය වෙමින් පවතින මෙම නව 8D ශ්‍රව්‍ය තාක්ෂණය කුමක්ද? “හෙඩ්ෆෝන් සමඟ මෙම ගීතයට සවන් දෙන්න (හෙඩ්ෆෝන් පැළඳ ගන්න)”:එවැනි දෙයක් සඳහන් කරමින් ඔබට පණිවිඩයක් ලැබෙන්නට ඇත. එය 8D Audio Music තාක්‍ෂණයෙන් සමන්විත පෙන්ටටොනික්ස් (Pentatonix) හි නව සංගීතයයි. හෙඩ්ෆෝන් සමඟ පමණක් එයට සවන් දෙන්න. ඔබ ගීතයක් ඔබේ කන්වලින් නොව ඔබේ මොළයෙන් සවන් දෙන පළමු අවස්ථාව මෙය වේවි. හෙඩ්ෆෝන් වලින් නොව පිටතින් සංගීතය ඔබට දැනෙනු ඇත.

නවතම 8D ශ්‍රව්‍ය තාක්ෂණය යනු කුමක්ද?

“පහත ඇමුණුමට ඔබේ හෙඩ්ෆෝනය භාවිතයෙන් සවන් දෙන්න”

ඉහත පණිවිඩය සමඟ එහි ඇති ඇමුණුම හෙඩ්ෆෝන් භාවිතයෙන් ශ්‍රවණය කල පසු ඔබට කෙබඳු හැඟීමක් ඇතිවීද? එය නම් මෙවැනි හැඟීමක් වන්නට ඇත. ඔබ හිස් පරිසරයක් මධ්‍යයේ හිඳින බවක් මෙන්ම ඔබ වටා ශබ්ද සහ සංගීතය පමණක්ම ඇති බව. මෙම අත්දැකීම බොහෝ විට ඔබ නගරයක් මධ්‍යයේ ගමන් කරන අවස්ථාවක් බඳුය. මන්දයත් ඔබට බොහෝ ශබ්දයන් විවිධාකාර දිශාවන්ගෙන් ඇසෙනු ඇත. නමුත් 8D Audio Music හි විශේෂත්වය නම් මෙම සියලුම දේ පැමිණෙනුයේ ඔබ පැලඳ සිටින හෙඩ්ෆෝනයෙන් වීමයි.

Comparison_of_Different_Sound_Systems

මෙම තාක්ෂණය වර්ථමානයේ බොහෝ සංගීත ලෝලීන් වෙත පිරිනැමුණු නවතම ත්‍යාගයක් ලෙස හඳුන්වා දිය හැකිය. 8D Audio Music මගින් සංගීතයේ ගැඹුරට පිවිසීමට ඔබට අවස්ථාව සලසා දෙයි. ඔබ සජීවී ප්‍රසංගයක සිටින බවට හැඟීමක් ලබා දීම සඳහා එය ඔබගේ හෙඩ්ෆෝන් හරහා වම් සහ දකුණු Speakers වල බලය භාවිතා කරයි. මෙයට සවන් දීම සඳහා හෙඩ්ෆෝන් භාවිත කිරීම අනිවාර්ය වෙයි. මෙම 8D Audio Music වලට සවන් දෙන විට ඔබට එය ශරීරයෙන් පිටත ඇති දෙයක් බවට දැනෙනු ඇත. සාමාන්‍ය ත්‍රිමාණ සංගීතයට වඩා මෙහි වඩාත් අපූර්ව හා දැනෙන සුළු බව නිසාම සංගීත ලෝලීන් අතර ඉතා කුඩා කලකින් බෙහෙවින්ම ජනප්‍රිය විය.

8D Audio Music – එය සැබෑවටම පවතීද?

යථාර්ථය නම් 8D නමින් නවතම තාක්ෂණයක් නොමැති අතර එය ඔබව මධ්‍යයෙන් තබා ඔබ වටා ශබ්දය ඇසෙන්නාක් මෙන් සැලැස්විය හැකි ශිල්ප ක්‍රමයකි. ඔබ පැලඳ සිටින හෙඩ්ෆෝනය නිසා ඔබේ හිස වටා දිවෙන මෙම සංගීතමය හැඟීම, “සමානාත්මතා ශිල්පක්‍රම” (Equalization Techniques), “විවිධ ශ්‍රව්‍ය මාධ්‍යයන් වෙත ශබ්දය බෙදා හැරීමේ හැකියාව” (Panning) සහ “ශබ්දය සම්බන්ධ විවිධ විද්‍යාත්මක ආචරණයන්” (Effects) යන සියල්ලේම සුසංයෝගයෙන් බිහිවෙයි.

අවකාශීය ශබ්දයේ යථා ස්වභාවය

තවත් වැඩිදියුණු කරන ලද 8D තාක්ෂණයක් නම් “Dolby Atmos” ය. එය Dolby නම් පුද්ගලයා විසින් දියුණු කරන ලද තාක්ෂණයකි. මෙහිදී ශ්‍රව්‍ය මාධ්‍යයන් වෙනුවට ශබ්ද වස්තූන් යන සංකල්පය භාවිතා කරයි. මෙම තාක්ෂණයත් සමඟ, ශබ්දය ත්‍රිමාන අවකාශයක ඔබ වටා ගමන් කරන බවක් දැනේ, එබැවින් ඔබ ක්‍රියාකාරකමක යෙදී සිටින බවක් ඔබට දැනේ.

අවසන් වශයෙන් විමසා බලන කල්හි සත්‍ය වශයෙන්ම 8D යනුවෙන් තාක්ෂණයක් පවතීද? පිළිතුර නම් නැත, නමුත් ඔව්. පිළිතුර “නැත” යන්නෙහි අරුත නම් 8D යනු නව තාක්ෂණයක් නොව ශිල්ප ක්‍රමයකි. “ඔව්” යන්නෙහි අරුත නම් කෙසේ නමුත් අංශක 360 (360⁰) අවකාශීය ශබ්ද ඇසීමේ හැකියාව පවතී. එමනිසාම මෙය “අවකාශීය ශබ්දය”ලෙස වඩාත් සාධාරණව හඳුන්වා දිය හැකිය.

“8D Tunes” යනු 8D Audio Music නිර්මාණ කාර්යයෙහි යෙදෙන You Tube චැනලයකි. මේ වන විට මිලියන 6.7 (6.7M) ඉක්මවූ ග්‍රාහකයන් (Subscribers) ප්‍රමාණයක් එය සතුය. එයට පිවිසීම සඳහා ඔබට පහත ඇමුණුම (Link) භාවිතා කල හැකිය.

https://www.youtube.com/channel/UCrRpYEytIHGyDgNWO6VbHlQ

8D_YouTube

The post 8D Audio Music සංගීත ලෝකයට සාදරයෙන් පිළිගනිමු appeared first on TechWire.

from RSSMix.com Mix ID 8321273 https://ift.tt/2TIFAyi