Epic Games Store එක හරහා ලොව ප්‍රසිද්ධතම Games වලින් එකක් වන GTA V නොමිලයේ ලබාදෙයි

GTA V ගැන මේ වන විට නොදන්නා කෙනෙකු නැති තරම් වන අතර මීට පෙර කිහිප අවස්ථාවකදීම අපි මේ ලෝකප්‍රසිද්ධ game එක ගැන තොරතුරු වාර්ථා කළා ඔබට මතක ඇති.

පිටපත් මිලියන 100ක් විකිනීමට හැකි වූ ලොව තෙවන පරිගණක ක්‍රීඩාව වීමට GTA V සූදානමින්

Grand Theft Auto V [https://www.rockstargames.com/V/] එහෙමත් නැතිනම් GTA V කියන්නේ Rockstar සමාගමේ Grand Theft Auto පරිගණක ක්‍රීඩා මාලාවේ දැනට අවසන් වරට නිකුත් වී ඇති පරිගණක ක්‍රීඩාවයි. Gaming ගැන කතා කරන විට මේ game එක ගැන නොදන්නා එහෙමත් නැතිනම් වරක් හෝ GTA game එකක් play නොකළ කෙනෙකු නැති තරම්. ඉත…

Kasun JayarathnaTechNews.LK - Tech News සිංහලෙන්

ඔන්න දැන්, Epic Games ආයතනය විසින් ඔවුන්ගේ Epic Games Store එක හරහා GTA V නොමිලයේ ලබාදීමට කටයුතු කර ඇති අතර මෙය මෙම මස 22 වැනි දින දක්වා මේ ආකාරයෙන් නොමිලයේ ලබාගත හැකි වෙනවා.

එක් වරක් මෙය ඇනවුම් කිරීමෙන් පසුව ජීවිත කාලයටම නොමිලයේ play කිරීමේ හැකියාව ලැබෙන අතර ඔබ තවමත් මෙම අවස්ථාව ලබාගත්තේ නැති නම්, දැන්ම පහත link එක හරහා ගොස් ඔබගේ Epic Games ගිණුමට එකතු කරගන්න.

Grand Theft Auto V - Grand Theft Auto V: Premium Edition

The Grand Theft Auto V: Premium Edition includes the complete GTAV story, Grand Theft Auto Online and all existing gameplay upgrades and content. You’ll also get the Criminal Enterprise Starter Pack, the fastest way to jumpstart your criminal empire in GTA Online.

Epic Games Store

GTA V නොමිලයේ ලබාගැනීමට මේ link එක භාවිතා කරන්න

මෙහිදී නොමිලයේ ලබාදෙන්නේ මේ GTA V ක්‍රීඩාවේ Premium Edition එක වන අතර එයට Criminal Enterprise Starter Pack එකද අන්තර්ගත වන බැවින්, ඒ හරහා game එක තුලදී වියදම් කිරීමට in-game credits මිලියනයක මුදලක් ද හිමි වෙනවා.

මේ ප්‍රවෘත්තිය ලොව පුරා විසිරී සිටින පරිගණක ක්‍රීඩාලෝලීන්ගේ අවධානයට සැනෙකින් යොමු වූ අතර මේ වන විට Epic Games ආයතනයේ servers වලට දරාගත නොහැකි තරමේ පිරිසක් මෙය ඇනවුම් කරමින් සිටිනවා.

We are currently experiencing high traffic on the Epic Games Store.

We are aware that users may be encountering slow loading times, 500 errors, or launcher crashing at this time and we are actively working to scale. We'll provide an update as soon as we can.

— Epic Games Store (@EpicGames) May 14, 2020

මේ හේතුවෙන් ඔවුන්ගේ සේවාවන් විටින් විට අකර්මන්‍යය වන අතර පැය ගණනාවක් තිස්සේ වෙබ් අඩවිය සහ ඔවුන්ගේ අනෙකුත් game servers ද අකර්මන්‍යය වී තිබුණා.

කොහොම නමුත් මේ වන විට මෙය යථා තත්ත්වයට පත් කිරීමට ඔවුන් කටයුතු කරමින් සිටින අතර ඔබට error එකක් දකින්නට ලැබෙන්නේ නම්, කිහිප වරක් උත්සාහ කිරීමෙන් මෙය ලබාගැනීමේ හැකියාව තිබෙනවා.

මේ ගැන වැඩිදුර විස්තර දැනගැනීම සඳහා නිළ Epic Games Store එක, The Verge වෙබ් අඩවිය හා Forbes වෙබ් අඩවිය භාවිතා කළ හැක.

from RSSMix.com Mix ID 8321273 https://ift.tt/3dKXzLT