PUBG Mobile සඳහා වසර 2කට පසු නව Map එකක් ලබාදීමට කටයුතු කරයි
PUBG Mobile game එක play කරන Android සහ iOS පරිශීලකයින් සඳහා වසර දෙකකට පසුව නව Map එකක් නිකුත් කිරීමට කටයුතු කර ඇති අතර එම Map එක පසුගිය ජුලි 7 වැනි දින සිය Livik battleground යන නමින් ක්‍රීඩකයන් හට ලබාදීමට කටයුතු කර තිබෙනවා.
මෙම map එකෙහි වර්ගඵලය වර්ග කිලෝමීටර් 4ක් වන බැවින් Tencent ආයතනය පවසන්නේ මෙය short play sessions සඳහා සුඳුසු map එකක් ලෙස වන අතර බොහෝ sessions මිනිත්තු 15ක පමණ සුළු කාලයකින් අවසන් වනු ඇති බවයි.
මීට අමතරව මෙම map එක සදහාම නව weapons සහ වාහන මෙන්ම සීමාසහිත කාලයක් සඳහා අත්හදා බැලීමට නව විශේෂ weapons කිහිපයක්ද එක් කර ඇති අතර මෙම ආයුධ මඟින් තරමක් විශාල හානියක් සිදුකිරීමට හැකියාව පවතින නිසා මුලින්ම මෙවැනි නව ආයුධයක් සොයාගැනීම game එකෙහි අවසානය දක්වා රැඳීමට බොහෝ උපකාරි වන බවද ඔවුන් පෙන්වා දෙනවා.
කෙසේ නමුත් Livik වලට ප්‍රථම පසුගිය ඔක්තෝබර් මාසයේදී Tencent සමාගම විසින් PUBG සදහා "The Walking Dead" කතාමාලාවේ චරිත සීමිත කාලයක් සඳහා එකතු කරනු ලැබූ අතර මේ අනුව පෙනීයන්නේ mobile සඳහා ම විශේෂයෙන් විවිධ ආකාරයේ පහසුකම් සහ නව අත්දැකීම් එකතු කිරීම දිගින් දිගටම බලාපොරොත්තු විය හැකි බවයි.
තවද PUBG Mobile යනු Tencent ආයතනයට වැඩිම අදායමක් ගෙන දෙන app එක වන අතර Sensor Tower ආයතනයේ නවතම සමීක්ෂණයට අනුව Tencent ආයතනයේ මුළු අදායම ජුලි මාසයේදී ඩොලර් බිලියන 3 අභිබවා යනු ඇතැයි පැවසෙනවා.
මේ පිළිබඳ වැඩි විස්තර දැන ගැනීම සඳහා නිළ PUBGMobile වෙබ් අඩවිය, XDA-Developers වෙබ් අඩවිය සහ Engadget වෙබ් අඩවිය භාවිතා කළ හැක.
from RSSMix.com Mix ID 8321273 https://ift.tt/38DQITp
Comments
Post a Comment