1803 දී ෆෙඩ්‍රික් නෝත්ට බැට දුන් උඩරට ආක්‍රමණය

1796 වසරේ දී ඉංග්‍රීසින් ලංකාවේ මුහුදුබඩ පළාත්වල පාලන කටයුතු ආරම්භ කළා. ඉන් වසර 2කට පසුව ෆෙඩ්‍රික් නෝත් නම් ඉංග්‍රීසි ආණ්ඩුකාරවරයා ලංකාවට පැමිණියා. එලෙස ලංකාවට පැමිණි නෝත්, මුහුදුබඩ ප්‍රදේශවල පාලනය සිදුකරමින් සිටින අතරතුර අනාගතයේ දී උඩරට රාජධානියෙන් එල්ල විය හැකි තර්ජනය පිළිබඳව කල්පනා කළා. එම අවදියේ රට මැද රාජධානියක් තිබීම ඉංග්‍රීසීන්ගේ වැඩ කටයුතුවලට මහත් කරදරයක් වුණා. එසේම, ඉංග්‍රීසීන්ගේ නාවික මධ්‍යස්ථානය වුණු ත්‍රිකුණාමලයත් පාලන මධ්‍යස්ථානය වුණු කොළඹත් අතර සන්නිවේදන කටයුතු සිදුකිරීමේ දී උඩරට රාජධානිය බාධාවක් වුණා. එම නිසාම උඩරට ආක්‍රමණය කිරීමට මාන බලමින් සිටි නෝත්, ඒ සඳහා අවස්ථාවක් ලැබෙන තුරු ඉවසීමෙන් සිටියා.

from RSSMix.com Mix ID 8321273 https://ift.tt/2TjbHVD