ඔබට සුව නින්දක් ලබා දීමට ඉවහල් වන Pegasi

මොකද්ද මේ Pegasi

අප අපගේ ජිවිත කාලයෙන් 1/3 ක් පමණ ගත කරනුයේ නින්ද සඳහාය. නමුත්, ඔබ ඒ නින්ද ඔබට රිසි පරිදි ලබා ගන්නවාද යන්න සලකා බැලිය යුතු කරුණක් වෙයි. බොහෝ වේලාවට පුද්ගලයින්ට තම නින්ද තමාට අවශ්‍ය පරිදි ලබා ගැනීමට නොහැකි වේ. මේ වෙනුවෙන් දැන් ඔබට නවතම smart මාදිලියේ නිෂ්පාදනයක් වන “Pegasi” භාවිතා කිරීමට අවස්ථාව ලැබී තිබේ. මෙය පළමු ද්විස්ථායි සංවෘත ලූපයක් (bi-stable closed loop) භාවිතා වන smart මාදිලියේ නින්ද පහසු කරන උපාංගයකි. දිනකට මිනිත්තු 30 බැගින් දින 7 ක් මෙම උපාංගය භාවිතා කිරීම තුලින් ඔබට අපහසුවක්ව තිබූ ඔබේ නින්ද ක්‍රමානුකුලව සුවදායි නින්දක් බවට පත්වන අයුරු අත්විඳිය හැකිය.

Pegasi සඳහා පදනම් වී ඇති ජෛවීය ක්‍රියාවලිය

“Melatonin” යනු ශරීරයේ නින්ද පාලනය කිරීමේ කර්තව්‍යට අදාල ප්‍රධානතම සංයෝගයයි. Pegasi සිරුර තුළ melatonin නිෂ්පාදන යාන්ත්‍රණය පහසු කරවයි. එය ඔබගේ දිවා – රාත්‍රී ජීව චක්‍රය ක්‍රමානුකූලව හැඩගස්වයි. එය “Light Therapy” ලෙස හඳුන්වනු ලැබේ.

Light_Therapy

මෙහි අභ්‍යන්තර ජෛවීය ක්‍රියාවලිය සලකා බලන කල්හි ආලෝකයේ විවිධ තරංග අයාමයන් (වර්ණ) දිනයේ විවිධ කාල පරාසයන් හිදී අපට විවිධ ආකාරයේ බලපෑම් ඇති කරයි. නිල් ආලෝකය හෝ කොළ ආලෝකය උදෑසන කාලයේදී cortisol (අවදි හෝමෝනයක් ලෙස සැලකිය හැකිය) නිෂ්පාදනය උත්තේජනය කරයි. නමුත් මෙම තරංග අයාමයන් melatonin නිෂ්පාදනය අවහිර කරයි. එමනිසා දිනයේ විවිධ කාල පරාසයන් හිදී අප නිරාවරණය වන ආලෝක ප්‍රමාණය පාලනය කිරීම මගින් අපගේ අභ්‍යන්තර ජෛවීය චක්‍රය ස්වභාවික රිද්මයට අනුව හැඩගස්වා ගත හැකිය. එනම් දිවා කාලයේ ශක්තිමත්ව අවදියෙන් සිටීමටත් රාත්‍රියේ සුවසේ නින්දට යාමටත් හැකි වන පරිදිය.

Pegasi ඔබගේ දෛනික කර්තව්‍යන් පහසුවෙන් සහ කාර්යක්ෂමව සිදුකර ගැනීමට උපකාරී වෙයි. එය ඔබට වෙහෙස නිසා ඇතිවන මානසික ආතතිය ආදිය ඇති නොවනු ඇත. ඔබේ සම පවා පෙරට වඩා දීප්තිමත් හා නිරෝගී වනු ඇත.

තාක්ෂණය  සහ අභ්‍යන්තර ක්‍රියාවලිය

මෙම pegasi උපාංගය සමට හිතකර අමුද්‍රව්‍ය භාවිතයෙන් සහ පැළඳීමට පහසු හැඩයකින් යුතුව නිමවා ඇත. මෙම උපාංගය මිනිත්තු 70 ක් ඇතුළත සම්පුර්ණයෙන්ම ආරෝපණය කරගත හැකිය. Pegasi app එකට ඔබගේ නින්දේ තත්ත්වය පරික්ෂා කල හැකි අතර එමගින් පරිශීලකයාට ගැලපෙන පරිදි ඔහුගේ නින්ද හැඩගස්වා ගැනීමට උපකාර කරයි.

මෙහි අභ්‍යන්තර තාක්ෂණය පිළිබඳව සලකා බලන විට මෙම උපාංගය ප්‍රධාන වශයෙන් නින්ද අධීක්ෂණය කිරීම සහ නින්ද පරිශීලකයාට යෝග්‍ය පරිදි හැඩගැස්වීම යන කර්තව්‍යන් ද්විත්වය Pegasi app එක හරහා සිදුකරයි. මේ සඳහා භාවිතා කර ඇත්තේ කෘත්‍රිම බුද්ධිය (AI), Cloud Computing සහ Big Data තාක්ෂණයයි. මෙම Pegasi app එක Android සහ IOS යන දෙයාකාරයටම භාවිතා කල හැකිය.

වර්ණ සහ නිෂ්පාදනයේ ස්වභාවය

එකම ප්‍රමාණයකින් මෙම නිෂ්පාදනය වෙළඳපලට නිකුත් කරන නමුදු භාවිතයේදී ඒ ඒ පරිශීලකයාට අනුකූලව නම්‍යශීලි බවක් ඇත. එම නිසා මෙය පැළඳීම අපහසු නොවේ. මෙහි ආලෝකය නිකුත් කරන LED මෙහි රාමුව අතර රඳවා ඇති අතර එය පැළඳූ විට හරියටම ඇහිබැමට යටින් පිහිටන පරිදි සැලසුම් කර ඇත. නාසය මතට සවිවන රැඳවුම් කොටස නම්‍යශීලී ප්ලාස්ටික් වලින් නිමවා ඇති අතර එවිට පහසුවෙන් පරිශීලකයාගේ නාසයේ ප්‍රමාණය අනුව හැඩගැස්වේ.

Pegasi_glasses_with_green_LED

සමස්ථ නිෂ්පාදනය සලකා බලන කල්හි pegasi ඉතා උසස් තත්ත්වයේ නිමාවකින් සහ ඉතා සැහැල්ලු (බරින් අඩු) නිෂ්පාදනයකි. සුදු සහ කළු යන වර්ණ වලින් වෙළඳපලෙහි දක්නට ලැබේ. මෙය භාවිතා නොකරන අවස්ථා වලදී සාමාන්‍ය උපැස් යුවලක් මෙන් නවා තැබිය හැකිය. මෙහි වෙළඳ වටිනාකම ඇමෙරිකානු ඩොලර් 239 ක් පමණ වේ.

The post ඔබට සුව නින්දක් ලබා දීමට ඉවහල් වන Pegasi appeared first on TechWire.

from RSSMix.com Mix ID 8321273 https://ift.tt/2WKxoQz