සාමාන්‍ය ජීව දෘෂ්ටි පරාසයන් ඉක්මවා යන නව යාන්ත්‍රික අක්‍ෂිය
අන්ධ පුද්ගලයින් හට පෙනීමේ හැකියාව ලබාදීම වර්තමාන වෛද්‍ය පර්යේෂණයන් අතර ඉතාම වැදගත් ස්ථානයක් ලබා ගැනීමට සමත්ව ඇත. එය එක පසකින් රෝගී ජීවිතයකට සම්පුර්ණයෙන්ම පහේ නවමු ජිවිතයක් ලබා දීමක් වන අතරම නූතන වෛද්‍ය විද්‍යාවේ සුවිශාල ජයග්‍රහණයක් ලෙස සටහන් වනු ඇත. මීට පෙර නිර්මාණය කරන ලද යාන්ත්‍රික අක්‍ෂි වලට යම් විශේෂ සීමාවකට යටත්ව සිමිත පෙනීමේ හැකියාවක් ලබා දීමට හැකිවී තිබිණි. යාන්ත්‍රික දෘෂ්ටි විතානය නිර්මාණය කිරීම සඳහා නව අත්හදා බැලීමක ප්‍රතිඵල සමඟින් අනාගතයේදී එය වෙනස් කිරීම සඳහා පර්යේෂකයන් සුවිශාල පියවරක් ගෙන ඇත.
කෘත්‍රිම අක්‍ෂිය නිෂ්පාදනයේ අභියෝග
අධි ඝනත්ව නැනෝ තන්තු වලින් නිමවා ඇති අර්ධගෝලීය දෘෂ්ටි විතානයක් නිර්මාණය කිරීම පිළිබඳ විස්තරයක් පර්යේෂණ කණ්ඩායම විසින් ප්‍රකාශයට පත් කර ඇත. පූර්ව යාන්ත්‍රික අක්‍ෂි සම්බන්ධ පර්යේෂණයන් වලදී පර්යේෂකයින් හට විශාලතම අභියෝගය වී ඇත්තේ ජෛවමිතික උපාංග මගින් දෘෂ්ටි විතානයේ ගෝලාකාර හැඩය ලබාගැනීමයි.
පළමුව අක්‍ෂි කාචය හරහා වක්‍රවූ ආලෝකය ඇසට ඇතුල් වෙයි. මෙහි අර්ථය වන්නේ දෘෂ්ටි විතානය වෙත පැමිණෙන ආලෝකය ඒ වන විටත් වක්‍ර වී ඇති බවයි. එය ග්‍රහණය කර ගැනීම සඳහා පැතලි සංවේදකයක් භාවිතා කරන විට, රූපය කෙතරම් දුරකට ග්‍රහණය කළ හැකිද යන්නට නිශ්චිත සීමාවක් ඇත. මෙම ගැටළුව සඳහා නවීන කෘත්‍රිම බුද්ධි (AI) තාක්ෂණය පිළියමක් ලෙස පෙනෙන නමුත් මිනිස් ඇහිබැමක පිටුපස ඇති සැකසුම් බලයේ ප්‍රමාණය සීමිත වන අතර අක්‍ෂි මගින් ග්‍රහණය කරනු ලබන රූප දර්ශනය වීමේදී ප්‍රමාද වීම් සිදු නොවිය යුතුය. එසේ නොමැති නම් අපට අර්ධගෝලයේ ගැටලුව විසඳිය හැකිය. හොංකොං විද්‍යා හා තාක්ෂණ විශ්ව විද්‍යාලයේ ඉලෙක්ට්‍රොනික හා පරිගණක ඉංජිනේරුවෙකු වන ෂියොන්ග් ෆෑන් (Zhiyong Fan) සහ සෙසු පර්යේෂණ කණ්ඩායම විසඳා දෙනු ලැබුවේ එම ගැටළුවයි.
කෘත්‍රිම අක්‍ෂියේ ක්‍රියාකාරිත්වය සහ නිමාව
ඔවුන් මෙම ක්‍රියාවලිය සඳහා ඇලුමිනියම් තීරුවකින් නිර්මිත අර්ධගෝලීය හැඩයක් යොදා ගනී. විද්‍යුත් රසායනික ප්‍රතිකාර මගින් මෙම තීරු, ඇලුමිනියම් ඔක්සයිඩ් ලෙස හඳුන්වන පරිවාරකයක් බවට පරිවර්තනය කර ඇති අතර ඒවා මගින් සිය ක්‍රියාදාමය පුරාම නැනෝ පරිමාවෙන් යුත් සිදුරු පුරවා තබනු ඇත. ඉන්පසු මෙම ඝන සිදුරු පොකුරු දෘෂ්ටි විතානයේ ක්‍රියාකාරිත්වය අනුකරණය කරන perovskite නැනෝ තන්තු සඳහා සම්බන්ධක ලෙස ක්‍රියාත්මක වෙයි. perovskite සූර්ය කෝෂ නිපදවීම සඳහා යොදා ගනී. නැනෝ තන්තු වැඩුණු පසු, පර්යේෂක කණ්ඩායම කෘත්‍රිම කාචයකින් ඇස ආවරණය කර අයනික ද්‍රවයකින් පුරවා අපගේ අක්‍ෂි ගෝලය තුළ ඇති කාච රසයේ අනුකාරකය නිර්මාණය කරයි.
මෙම අයනික ද්‍රවය වඩාත් වැදගත් වන්නේ නැනෝ තන්තු වලට ආලෝකය හඳුනා ගැනීමට සහ එහි සංඥා බාහිරට සම්ප්‍රේෂණය කිරීමට ඉඩ දීම, එනම් ඉලෙක්ට්‍රොනික රූප සැකසුම් ක්‍රියාවලිය සඳහාය.
මෙම කෘත්‍රිම අක්‍ෂියේ ක්‍රියාකාරිත්වය සිත් ඇද ගන්නා සුළුය. මන්ද එය අපගේ ජීව අක්‍ෂි කාචයේ ජීව විද්‍යාත්මක පරාමිතීන් මගින් සීමා නොකෙරේ. ඊට නැනෝ මීටර 800 (800nm) දක්වා ආලෝකයේ තරංග ආයාමයන්ට ප්‍රතිචාර දැක්විය හැක. මිනිස් දෘශ්‍ය පරාසය මිලිමීටර් 740 (740mm) ක් පමණ වේ. මෙම තරංග ආයාමයට ඉහළින් ඇති වර්ණ අපට කළු පැහැයෙන් දිස්වේ. අපට නැනෝ මීටර 800 (800nm) දක්වා ආලෝකයේ තරංග ආයාමයන් දර්ශනය වුවහොත්, අධෝරක්ත කිරණ වල මුල් පරාසය ආසන්නය දක්වා පරාසයක ආලෝකය අපට දර්ශනය වනු ඇත (අධෝරක්ත කිරණ වල තරංග අයාම පරාසය 750nm – 1400nm ලෙස සැලකේ). මෙම කෘත්‍රිම අක්‍ෂියේ ආලෝක රටා සඳහා සැකසීමේ කාලය මිලි තත්පර 19 (19ms), එසේත් නොමැතිනම් මිනිස් ඇසකට ආලෝක රටා සැකසීමට ගතවන කාලයෙන් අඩක් පමණ වේ. ඇසේ ප්‍රතික්‍රියා වේගය 19ms දක්වා අඩු කිරීමෙන් මිනිස් ප්‍රතික්‍රියා කාලය අඩු විය හැකිය. එසේම කෘත්‍රිම අක්‍ෂිය මගින් නිපදවෙන රූප ඉතාම පැහැදිලි සහ තියුණු බැවින්ද සමස්ත නිෂ්පාදනයේ ගුණාත්මක භාවය ඉතාම ඉහලය.
විවිධ කෝණයන්ගෙන් විමසා බලන විට මෙම කෘත්‍රිම දෘෂ්ටි විතානය ඉතාම ඉහල මට්ටමක තිබෙන බව කිව යුතුමය. මෙතරම් ගුණාත්මක තත්වයෙන් යුත් කෘත්‍රිම අක්‍ෂියක් නිපදවූ ප්‍රථම අවස්ථාව මෙයයි. මෙම නව දෘෂ්ටි විතානය තුළ කළු ලපයක් හෙවත් අන්ධ ස්ථානයක් පවා සොයා ගත නොහැක.
ඔබේ දැනුමට යමක්
සාමාන්‍ය මිනිස් ඇසක ප්‍රතිචාර දැක්වීමේ වේගය සහ ප්‍රකෘතිමත් වීමේ වේගය මිලි තත්පර 40 (40ms) සිට මිලි තත්පර 150 (150ms) අතර වේ. සම්පුර්ණ මිනිස් ප්‍රතික්‍රියා කාලයේ සාමාන්‍ය අගය මිලි තත්පර 200 ත් 250 ත් (200ms – 250ms) අතර වේ. සුවිශේෂී පුද්ගලයන් සමහර විට මෙම වේගය ඉක්මවා යාමට ඉඩ ඇත.
The post සාමාන්‍ය ජීව දෘෂ්ටි පරාසයන් ඉක්මවා යන නව යාන්ත්‍රික අක්‍ෂිය appeared first on TechWire.
from RSSMix.com Mix ID 8321273 https://ift.tt/2CBqTr7
Comments
Post a Comment